miércoles, 9 de septiembre de 2015

CLUB DE LECTURA DE ADULTOS



Está aberto o prazo de inscrición para o CLUB DE LECTURA de adultos. Ponte en contacto coa biblioteca. Horario da biblioteca de luns a venres de 15:30 a 20:30 h.. o por facebook: Lendo en San Sadurniño.


En que consisten os clubs de lectura?  
Un club de lectura é un grupo de persoas que len ao mesmo tempo un libro que a biblioteca lle proporciona.  Non tes que ser un experto lector: os clubs están pensados para persoas con inquietudes culturais, gana de ler, facer amigos e intercambiar opinións con outras persoas. En realidade, o libro é só o punto de partida.
 Cada un faino na súa casa pero unha vez á semana, nun día e a unha hora fixos, reúnense todos para comentar as páxinas avanzadas desde o encontro anterior. Nas reunións  debatese sobre o que se leu na casa.
En cada reunión acórdase a cantidade a ler nos días posteriores, e é ese anaco soamente o que se comenta na seguinte. Naturalmente calquera ten o dereito a exceder ese límite, pero non pode desvelar aos seus compañeiros o que sucede despois do punto marcado
A gran aceptación que teñen os clubs débese, seguramente, a que reúnen dous alicientes:
- A lectura persoal e íntima
- A posibilidade de compartir esa lectura con outras persoas.
Polo xeral as opinións dos membros do grupo enriquecen moito a impresión inicial que cada un saca lendo en solitario.

Onde e cando?
.          
O día e a hora establecerase unha vez se poñan  de acordo as persoas inscritas.


jueves, 27 de agosto de 2015

Recursos en liña: Biblioteca dixital da Rede



A Rede de Bibliotecas Públicas de Galicia  pon a disposición de todas as persoas usuarias das bibliotecas unha serie de recursos dixitais que, seguro, son do teu interese.

Banco de contidos "AulaPlaneta"

AulaPlaneta é o maior banco de contidos dixitais en lingua castelá e contén materiais dirixidos a todos os públicos: o corpo humano, historia audiovisual de España, atlas, filosofía, obradoiros de redacción, estatísticas, etc.
As bibliotecas bríndanche acceso a unha contorna adaptada ás necesidades do alumnado actual. Para poder acceder a estes recursos só tes que pinchar na páxina do catálogo da biblioteca. Seleccionar en recursos electrónicos e introducir como usuario o número de carné de socio da túa biblioteca e como contrasinal o primeiro apelido.

                                           

eJunior net 3.0

e-Junior é unha enciclopedia electrónica ideal para o alumnado de primaria e de primeiro ciclo de secundaria.
Atlas xeográfico, atlas anatómico, vocabulario, ciencias sociais, arte, deporte, ciencia e tecnoloxía...
Para poder acceder a estes recursos só tes que pinchar na páxina do catálogo da biblioteca. Seleccionar en recursos electrónicos e introducir como usuario o número de carné de socio da túa biblioteca e como contrasinal o primeiro apelido.

Hemeroteca Dixital

A Hemeroteca Dixital Iconoce de Sarenet contén novas publicadas en publicacións dixitais de todo o mundo: xornais, blogs, publicacións especializadas en tecnoloxía, deporte...
Ten 2 seccións distintas:
  • "Noticias del día", en constante actualización para ofrecer a información máis recente.
  • "Hemeroteca", contén noticias retrospectivas e permite dous tipos de busca que, ademais, poden acotarse por áreas xeográficas, seccións de prensa, periodos cronolóxicos e medios concretos.
           
Para poder acceder a estes recursos só tes que pinchar na páxina do catálogo da biblioteca. Seleccionar en recursos electrónicos e introducir como usuario o número de carné de socio da túa biblioteca e como contrasinal o primeiro apelido.