O
mércores, a partir das 10.30 h. na Casa da Cultura, celebrarase o
espectáculo musical infantil ‘Contos para un mundo mellor‘,
a cargo de Gloria Mamá Cabra e Diego Maceiras dirixido
a menos e nenas de 3º e 4º de primaria.
Diego
Maceiras (acordeón) e Gloria Mosquera contan varias historias con
música e cancións, nas que se tratan temas como o medo, o coidado
da natureza, o acoso escolar, o saber dicir NON… facendo
reflexionar sobre a importancia da empatía, da prudencia, da
superación persoal, da cooperación e da responsabilidade como
necesarios mecanismos de PAZ e FELICIDADE.
O martes 23 de outubro teremos
unha actividade, organizada pola Biblioteca Municipal, que está
integrada no programa da Xunta de Galicia Ler
Conta Moito e terá
como convidados os nenos e nenas da Escola Infantil A Rolada nun
primeiro pase ás 10:30 h., e un 2º pase cos alumnos e alumnas de 1º
e 2º de primaria
A biblioteca
máxicaé un proxecto que Pallaso Piruleta&Cía
vai actualizando con novos argumentos e labores que sempre teñen por
escenario unha biblioteca e como protagonistas principais os libros,
contos, xornais, revistas e documentos de todo tipo.
Don Renato é un
bibliotecario atípico: transforma os contos en cancións, repara
libros con maxia, convive con seres fantásticos, co obxectivo de
motivar á animación lectora do público que lle visita. Un día
visítalle Piruleta, un neno novo na vila e xuntos farán unha
animación teatral á lectura que xamais esquecerán.
Pallaso
Piruleta&Cía é froito das experiencias dun grupo de
profesionais na educación que viron o potencial do teatro e doutras
artes ao vivo como ferramenta pedagóxica na infancia. Desde 2003-
ano da súa creación- a produtora puxo en marcha máis de medio
centenar de obras, dúas curtametraxes, un documental e a edición
impresa do libro ilustrado O Anónimo
Pallaso
Piruleta&Cía é unha fabrica de soños, de momentos únicos e
máxicos, de ilusións; onde crean proxectos personalizados que os
diferencian por fusionar clown, circo, maxia, teatro, música,
monicreques,.
