 |
Hoxe visitaron a
Biblioteca pública os nenos e nenas de 2º de primaria e logo de
contar o conto do homiño de papel e a maceta baleira e facer unha
actividade a partir do segundo conto, subimos á sala de lectura e
puidemos escoller cada un o noso libro.
|
Argumento
A nena aburríase na casa. Cos xoguetes de sempre xa
non se entretiña. Un dia imaxinou, inventou e fixo un amigo de papel de
periódico. O homiño de papel e mais a nena aprenderon a descubrir a vida, as
cousas boas e malas que hai nela, e como se lles pode transmitir esperanza e
alegria ós demais, mirando as accións humanas cos ollos da solidariedade.
Autor
Fernando Alonso é un
dos autores máis relevantes do panorama da Literatura Infantil. A súa extensa
obra literaria foi traducida a varios idiomas como inglés, francés, sueco ou
coreano. Entre os seus numerosos premios destacan o Premio Lazarillo en 1977 e
o Premio Mundial de Literatura José Martí en 1997, polo conxunto da súa obra.
«Desexo que os meus libros axuden aos lectores a abrir a súa mirada,
esperten os seus sentimentos e as súas emocións, incítenlles a exercer a liberdade
de pensamento e axúdenlles a pensar que non están sos». (Fernado Alonso)
Actividades:
Como non
queremos que o homiño de papel esté feito con palabras tristes que lemos todos
os días na prensa, os nenos e nenas escribirán en grupo nunha pizarra aquelas
palabras que os fan sentir ben.
Realizaremos unha
silueta en papel contínuo e reencherémolo de palabras fermosas e mensaxes
positivas que se nos ocorran. Noticias que xa recibimos e que queiramos despois
plasmar no papel.
Despois o homiño de
papel poderá contar novas historias, historias que nos fagan sentir.
No hay comentarios:
Publicar un comentario